Tech-Handiya

මද්දහනේ දැඩි හිරු එලිය මැද උනත් විසිතුරු තරු රටා ඡායාරූපයට නැගිය හැකි කැමරාවක්!

        Spectral Instruments  කියන්නෙ ඇමරිකාවෙ තියන පුංචි සමාගමක්. ඔවුන් මේතාක් කළේ විද්‍යාගාර වල සහ චන්ද්‍රිකා ඡායාරූපකරණ අවශ්‍යතා සදහා අවශ්‍ය සුවිශේෂී කැමරා නිර්මාණය කරපු එක. නමුත් පසු ගියදා ඔවුන් යූ ටියුබ් වී‍ඩියෝවක් මගින් අපූරු නිශ්පාදන අදහසක් වෘත්තීය ඡායාරූප ශීල්පීන්ට ඉදිරිපත් කළා...

        Spectral Instruments  සමාගම කියන විදියට ඔවුන්ට ඡායාරූප ශිල්පීන්ගේ භාවිතය සදහා මෙගාපික්සෙල් 112ක  95x95mm ප්‍රමාණයේ සංවේදක සහිත Filter-less කළු-සුදු කැමරාවක් නිශ්පාදනය කිරීමට ඔවුනට පුළුවන් කම ඇති බව ප්‍රකාශ කර සිටියා. මෙය වෘත්තීය කැමරාවක් සමග සංසන්දනය කරොත් සෙන්සරය දහගුණයකටත් ව‍ඩා විශාලයි. ඒවගේම කිසිදු noise බලපැමකින් තොරව පැය ගණනාවක් වුවත් අනාවරණය කරන්නටත් පුලුවන්.

ඉතිං මෙවැනි කැමරාවක ඇති වැඩේ මොකක්ද?

මේවා දැනට පාවිච්චි වෙන්නේ අහසේ රදවා ඇති චන්ද්‍රිකා වල... නමුත් මෙම කැමරා වලින් ලබා ගත හැකි පුළුල් ගතික පරාසය (Dynamic Range) නිසා  නිර්මාණශීලී ඡායාරූපකරණයට අපූර්ව ලෙස යොදාගන්න පුළුවන් වේවි. නමුත් මෙම සමාගම මෙයින් ගතහැකි වැඩ ගැන කියනවා වෙනුවට වෘත්තීය ශීල්පීන්ට මෙන්ම කැමරා රසිකයින් ගෙනුත් අපූරු ඉල්ලීමක් කරනවා... ඔවුන් පවසන විදියට ඔවුන්ගේ කුඩා සමාගමට මෙවැනි කැමරාවක් සාමාන්‍ය වෙළදපොලට මුදා හැරීම සදහා ආයෝජනය කරන්න කලින් දෙපාරක් හිතන්න වෙනවාලු. ඉතිං මේ වැඩේට අතගහන්න නං වෘත්තීය ශීල්පීන්ට සහ කැමරා රසිකයින් එකතුවෙලා තමන්ව දිරිමත් කරන්න ඕන බවයි සමාගම ඉල්ලන්නෙ

මීට හොද ප්‍රතිචාරයක් ලොවපුරා කැමරා රසිකයන් එකතු වෙලා දැනටමත් දීල තියනවා. ඔවුන්ගේ වීඩියෝවට views 50000 හා  comments විශාල ප්‍රමාණයක් ලැබී ඇති අතර ඔවුන්ගේ නිල වෙබ් අඩවිය අධික ප්‍රවේශන ප්‍රමාණය හමුවේ මැයි 18 දිනය පුරා තාවකාලිකව බිද වැටී තියනවා...

ආරන්චි මාර්ග කියන විදියට මෙම කැමරා සෙන්සරය නිපදවන්න ඩොලර් ලක්ෂයක් පමණ වැය වෙයි ලු! ටිකක් ලොකුමුදලක් උනාට වෘත්තීය කැමරා මෙවලම් වල මිලත් එක්ක බලද්දි මේ මිල බොහොම සාධාරණ එක්ක කියල තමයි අපිටනං හිතෙන්නෙ !

Source:

www.specinst.com

gizmodo.com  

2018 පොදුරාජ්‍ය මණ්ඩලීය ක්‍රීඩා උළෙල - හම්බන්තොට හා තරග වදින රන්වන් වෙරළ තීරය

            පොදුරාජ්‍ය මණ්ඩලීය ක්‍රීඩා උළෙල ලෝකයේ දෙවන විශාලතම ක්‍රීඩා උළෙල විදිහට පිලිගැනෙනවා.  ඒ නිසාම මේ තරගාවලිය නවීන තාක්ෂණික හා ඉංජිනේරු නිර්මාණ රැසක් බිහිකරනවා. පසුගිය ලිපි පෙලකින් අපි ලන්ඩන් වල ඔලිම්පික් තරගාවලියට ඉදිවන විශිෂ්ඨ ඉංජිනේරු නිර්මාණ ගැන ඉදිරිපත් කරා. 

2018 වසරේ පොදුරාජ්‍ය මණ්ඩලීය ක්‍රීඩා උළෙලට සත්කාරකත්වය ලබාගන්න ලංකාවේ හම්බන්තොට නගරය වගේම ඔස්ට්‍රේලියාවේ ගෝල්ඩන් කෝසට් නගරයත් මේ වෙනකොට සිය මූලික සැලසුම් සහිත යෝජනා පොදුරාජ්‍ය මණ්ඩලීය ක්‍රීඩා කවුනසිලයට ඉදිරිපත් කර අවසානයි. මේ පිළිබද අවසාන තීරණය ගන්න නියමිතව තියෙන්නෙ නොවැම්බර් 11 වෙනිදා. පසුගිය සැප්තැම්බර් මස  කවුන්සිලය මගින් ඉදිරිපත් කල නිරීක්ෂණ වාර්ථාව මගින් නගර දෙකේ පෙර සූදානම ගැන තොරතුරු ඉදිරිපත් කෙරුණා.

අද අපි සූදානම් වෙන්නෙ 2018 පොදුරාජ්‍ය මණ්ඩලීය ක්‍රීඩා උළෙල සදහා සත්කාරකත්වය ලබා ගැනීමට ඔස්ට්‍රේලියාවේ ගෝල්ඩන් කෝසට් නගරය ඉදිරිපත් කල යෝජනා අතරින් ඔවුන්ගේ ක්‍රීඩා පිටි හා සම්බන්ධ සැලසුම් ගැන සලකා බලන්නයි.